اک آن لائن ٹائمر جیہڑا پڑھیاراں نوں دسدا اے کہ کینا ویلہ رہ گیا اے۔ بھاویں تبدیلیاں، مرکز، یا کسے ہور لئی ہوے، جماعت دا ایہہ ٹائمر شیواں نوں چلدا رکھدا اے۔

سکرین شاٹس

وضاحت

کجھ شیواں جوڑیاں وچ چنگیاں ہوندیاں نیں: جراباں، ائیر فونز، کوکیز، اتے تھنک پیئر شیئر۔ ہُن تھنک پیئر شیئر دے اک ٹیپ نال تُسی سوال ڈسپلے کر سکدے او۔ پڑھیاراں دے جوڑے اوکھے مسئلیاں نوں حل، 1-1 مباحثے، اتے اپنا ٹیم ورک کرن لئی اشتراک کر سکدے نیں۔ ودھیا

معلم لئی تجویزاں

"میں فوری طور تے تھنک پیئر شیئر نوں شروع کرن دے قابل ہون نوں پسند کردی آں تاں پڑھیار اپنے شریک نال چیٹ کر سکدے نیں جد کہ میں اپنے کمرہ جماعت دی اگلی سرگرمی نوں تیار کر سکدی آں۔"

خصوصیات

تھک پیئر شیئر اک ایداں دی طاقت دین آلی جماعت وچ مباحثے دی حکمت عملی اے جیہڑی تہاڈے پڑھیاراں نوں 1-1 گل بات کرن، اوکھے مسئلیاں نوں رل کے اشتراک کر کے حل کرن، اتے اپنی ٹیم بناون دے ہُنر تیز کرن دی اجازت دیندی اے۔ تھنک پیئر شیئر ایپ نال، تُسی اپنے پڑھیاراں نوں بس اک ٹیپ وچ سوال یا پرامپٹ ڈسپلے کر سکدے او۔ فیر اونہاں کول جوڑے بناون اتے شیئر کرن دا موقع ہوندا اے، جد کہ تُسی اپنے سبق نوں تیار کر سکدے او۔ ایہہ اک اوہ جماعت دے مباحثے دا ٹول اے جیہڑا تہانوں پڑھاون توں کجھ منٹاں لئی چھٹکارا اتے اگلے سبق لئی بصیرت دوے گا ـــــ جیدے دوران پڑھیاراں دے وچکار صحت مندانہ گل بات دی حوصلہ افزائی کرے گا۔ اخیر تے، پڑھیاراں دے مباحثے دی پُر لطف اتے ورتن لئی سوکھی ایپ۔ جیدوں اپنے آپ نوں انٹرایکٹیو تدریسی ٹول نال لیس کرن دی گل آندی اے، تھنک پیئر شیئر ایپ سوچے سمجھے بنا تہاڈی کٹ وچ اضافہ اے۔ جیدوں تُسی اپنے معلم دے ٹولز ویکھن لئی ClassDojo کھولو، تے نیلے مباحثے دے بلبلے دے آئیکن ںال تھنک پیئر شیئر مرکزی فہرست وچ اے۔ اوتھوں، تُسی اک سوال یا عنوان نوں اک لائن وچ شامل کرن دا انتخاب ویکھو گے۔ جیدوں تُسی تیار ہو جاوو، تے تُسی سوال یا مباحثے دا عنوان جماعت دے ویکھن لئی کمپیوٹر سکرین یا پروجیکٹ شدہ ڈسپلے تے کاسٹ کر سکدے او۔ تہاڈا پرامپٹ سکرین تے صاف اتے واضح گرافک وچ ظاہر ہو جاوے گا ـــــ نیلے پس منظر تے دو مباحثے آلے بلبلیاں وچکار سیٹ کرو۔ پڑھیار پرامپٹ نوں اوسے ویلے حوالہ کرن دے قابل ہون گے جیدوں ای ایہہ سکرین تے شیئر ہو جاوے۔ جیدوں تُسی اپنے پڑھیاراں دی بحث نوں مکاون لئی تیار ہوو، تے تُسی ایپ وچ سوال نوں ہٹا سکدے او، اپنے پڑھیاراں نوں دس سکدے او کہ ایہہ اونہاں دے دھیان نوں جماعت دے مرکز تے واپس لے جاون دا ویلہ اے۔ اک شے جیہڑے ایس جماعت دے مباحثے دی ایپ نوں دوجیاں تھنک پیئر شیئر ٹولز توں وکھرا کردی اے اوہ ایہہ وے کہ تُسی بہتے پراپمٹس نوں اکو واری سوچ سکدے او اتے ٹائپ کر سکدے او، اونہاں نوں مستقبل دی ورت یا نال نال مباحثے لئی اپنے ڈیش بورڈ تے ذاتی طور تے محفوظ کر سکدے او۔ بھاویں تُسی پراپمٹس دی اک فہرست نوں تیار رکھن نوں پسند کردے او یا تُسی اپنے پراپمٹس نوں اوسے ویلے لکھنا پسند کردے او، تُسی جیداں وی جماعت دے مباحثے دیاں حکمت عملیاں تیکر آپڑن دی کوشش کرو ایہہ جماعت دے مباحثے دی ایپ تہاڈا وقت بچاون لئی ڈئزائن کیتی گئی اے۔

فائدے

تھنک پیئر شیئر نال، تُسی اک پڑھیار دے مباحثے دے ٹول نال لیس او جیہڑا تہاڈے کمرہ جماعت نوں مشغول رکھدا اے جد کہ تُسی اگلی شے لئی تیاری کرن لئی کجھ منٹ لیندے او۔ نہ صرف ایہہ، جیدوں تُسی سکرین تے پرامپٹ بھیجدے او، تُسی جماعت دے ہر رُکن نوں دعوت دیندے او کہ اوہ اپنے لئی سوچے، اپنی جماعت دئ شریکاں نال اپنے نتیجے دی حصہ داری کرے، اتے مباحثے شروع کرن جیہڑے اونہاں نوں ہور سمجھاون کہ باہر دے ان پُٹ اتے رائے اونہاں دے ذاتی خیالاں نوں بناون لئی کینے ضروری نیں۔ جے تُسی اپنے پڑھیاراں نوں انٹر پرسنل ہُنراں وچ ودھدا ویکھنا چاہندے او، تُسی اک اک کر کے اونہاں دے پرامپٹ تے بحث کرن لئی جوڑے بنا سکدے او۔ جے تُسی چاہندے او کہ تہاڈے پڑھیار اپنی ٹیم بناون اتے گروہ دی گل بات دے ہنراں تے ودھ کم کرن، تے بحث کرن لئی تُسی اپنے پڑھیاراں نوں نکے گروہاں وچ تقسیم کر سکدے او۔ "پیئرنگ" مرضی دے مطابق ہو سکدی اے کہ تُسی اپنی جماعت دے مباحثے دے ٹولز نوں کیداں ورتنا پسند کردے او۔ تہاڈا پراپمٹ ہمیشہ عنوانی یا نظریاتی وی ہونا ضروری نہیں۔ سمجھو تُسی ریاضی یا سائنس پڑھاندے او، اتے تُسی جانن دی اُمید کر رہے او کہ تہاڈے پڑھیار کیڈا چنگا اک اوکھی ایکویژن نوں حل کرن لئی اشتراک کردے نیں ــــ تُسی بس مسئلے نوں ایپ تے لکھ سکدے او اتے ایہنوں کمرہ جماعت دی سکرین تے پروجیکٹ کر سکدے او۔ ایہہ دریافت کر کے کہ تہاڈے پڑھیار کیھتے پھس رہے نیں، تُسی بنیادی بصیرت حاصل کر سکدے او کہ سبق نوں کیداں جاری رکھنا اے یا کسے مخصوص مسئلہ حل کرن دی تکنیک بارے اونہاں دے مسئلیاں نوں حل کرنا اے۔ جیدوں معلماں دے ٹولز بارے گل ہووے، تے تھنک پیئر شیئر تہانوں رُکن اتے تہاڈے پڑھیاراں نوں عمل کرن لئی نایاب موقع فراہم کردی اے، تاں تُسی نوٹس بنا سکدے او اتے ایہدے مطاق نصاب ترتیب دے سکدے او۔ تھنک پیئر شیئر ٹولز تہاڈے پڑھیاراں نوں موقے تے پڑھن آلے سبق بارے پریشانی نوں چنگا بیان کرن وچ وی مدد دیندی اے۔ فالو اپ سوال جواب پیش کر کے، تُسی اپنے پڑھیاراں دی حالت اتے اوہ تھاواں جیتھے تہانوں ہلے وی کم کرن دی لوڑ اے تے ضروری بصیرت حاصل کر سکو گے۔

سب توں ودھیا عمل

کدی کدی جیدوں تُسی اک لمے لیکچر دے وچکار ہوندے او تے ایہہ سمجھنا بہتا اوکھا ہوندا اے کہ کیی پڑھیار سچ وچ "ایہنوں سمجھ رہے نیں"۔ تھنک پیئر شیئر اونہاں دی حوصلہ افزائی کردے رہن وچ مدد دوے گا جد کہ تُسی نویں مواد تے عمل کاری کر سکدے او۔ جے تُسی پڑھیاراں نوں پریشان، بھٹکیا ہویا یا بور ہوندے ویکھو، تے تُسی فوری طور تے ایس پڑھیار دے مباحثے دے ٹول تے مجودہ سبق یا اوس مواد تے جیہڑا تُسی اونہاں نوں سمجھا رہے او تے اک عکاس سوال پچھ سکدے او۔ ایہہ اونہاں دا دھیان واپس لے آؤے گا اتے اونہاں دا کم چلاندا رہووے گا، تاں اوہ سبق نوں سمجھن نا کہ اوہ اک کان نال سُنن اتے دوجے نال کڈ دین۔

جماعت دے مباحثے دے ٹولز جیداں کہ تھنک پیئر شیئر دی اک ہور طاقتور ورت پڑھیاراں وچ کمیونیٹی دی تمیز پیدا کرنا اے۔ غیر نصابی سوال نوں شامل کر کے جیہڑے پڑھیاراں نوں اک دوجے نوں ہور ودھیا سمجھن وچ مدد دین گے، تُسی اونہاں نوں سُنن دی دعوت دیندے او اتے اونہاں دے وچکار اعتماد پیدا کردے او۔ جیدوں اک پرامپٹ ٹائپ کرو جیداں کہ "اج تُسی کیس گل لئی شکرگزار او؟" یا "ہفتے دے اختتام توں تہاڈی سب توں پسند دی کیہڑی یاد اے؟" یا "تُسی کیہڑی تھاں دا دورہ کرن دا خواب ویکھدے او؟" تُسی پڑھیاراں نوں جُڑن اتے انسانی سطح تے ہمدردی کرن لئی دعوت دیندے او، اینج اونہاں نوں اوکھے مسئلیاں یا مستقبل وچ نظریات تے اشتراک کرن لئی رضاکارانہ طور تے ہور تیار کردے او۔ ہُن مینوں کسے ہور پڑھیار دے مباحثے دی ایپ بارے دسو جیہڑی ایداں دے انٹریکشنز دی معاونت کردی ہووے! جے تُسی اپنے تدریسی ٹولز توں ودھ توں ودھ حاصل کرنا چاہندے او، تے تھنک پیئر شیئر نہ صرف لمے سبق دے منصوبیاں نوں توڑن اتے مباحثیاں دی حوصلہ افزائی کرن وچ مدد گار اے، بلکہ تہاڈے کمرہ جماعت وچ کمیونیٹی دی سچی تمیز پیدا کردی اے۔

وضاحت

دوجے دیہاڑے اسی گاجراں بھُن رہے ساں۔ ساڈے کول زیتون دا تیل، نمک، کالی مرچ سی، پر آخری ویلے تے سانوں پتا لگیا کہ اسی جنگلی پودینے توں تھوڑ گئے آں۔ ٹھنڈیاں جُگتاں نوں پراں کریے، ٹول کٹ ٹائمر تہاڈی جماعت نوں ٹریک تے اتے سرگرمی دے باقی ویلے بارے آگاہ رکھے گا۔ بس ویلے دی بڑھوتری نوں چنو اتے تہاڈے پڑھیاراں دے سامنے پوٹھی گنتی شروع ہو جاوے گی۔ ٹائمر نوں ورتو (اتے اک جڑی بوٹی خریدو) اتے تُسی کدی وی فیر "پودینے" توں باہر نہیں ہوو گے۔

معلم لئی تجویزاں

"اسی جماعت دی ہر شے لئی ٹائمر ورتدے آں۔ ایہہ پڑھیاراں نوں (اتے مینوں) دھیان دین اتے تبدیلیاں نوں فوری کرن وچ مدد دیندا اے"

خصوصیات

تُسی ClassDojo دے مرکزی صفحے دے اوتوں، گھڑی دے آئیکن توں، ٹائمر تیکر رسائی کر سکدے او۔ اوتھے، تہاڈے کول دو انتخابات ہون گے: سیدھی کنتی یا پوٹھی گنتی۔ تُسی "شروع کرو" تے کلک کر کے پہلے آلے نوں حاصل کر سکدے او، جیہڑا ٹائمر تے سکینٹاں نوں سیدھا گننا شروع کرے گا، اتے تُسی اپنا کم شروع کرو گے! دوجا انتخاب "پوٹھی گنتی" تے کلک کرنا اے، تے فیر ویلے دے دورانیے نوں چنو جیہڑا تُسی دینا چاہندے او۔ جے لوڑ ہووے تے دویں انتخابات تہانوں وقف کرن اتے فیر سیٹ کرن دے قابل کردے نیں۔ ٹول کٹ ٹائمر سوکھا لگ سکدا اے، پر ایہدا ایہہ مطلب نہیں کہ ایہدے وچ کجھ کھینٹیاں اتے سیٹیاں نہیں! مثال دے طور تے، جیدوں تہاڈی پوٹھی گنتی مکمل ہووے، تے تُسی ٹائمر نوں اک الارم سیٹ کرن لئی پروگرام کر سکدے او جیہڑا تہاڈے بالاں نوں دسے گا کہ ایہہ جماعت دے مرکز تے واپس دھیان دین دا ویلہ اے۔ ٹول کٹ ٹائمر دا حُسن ایہہ وے کہ ایہدیاں خصوصیات نیرا ٹائم دا حساب رکھن توں علاوہ فائدیاں دی اک وڈی رینج فراہم کردیاں نیں!

فائدے

اک سب توں قابل قدر اتے فوری فائدہ وے کہ ٹائمر فوکس فراہم کردا اے: جیدوں پڑھیاراں نوں ٹاسک مکمل کرن لئی کجھ ویلہ دتا جاندا اے، بس ویلے دی پابندی تاخیر اتے دھیان بھٹکن نوں گھٹا دیندی اے۔ ایہہ خاص طور تے سچ اے، ٹائمر دے تصویری پہلو دی میربانی ـ ہندسے وڈے اتے موٹے ہوندے نیں، تاں جے اوہ سکرین تے پروجیکٹ ہوندے نیں یا موبائل ڈیوائسز تے شیئر ہوندے نیں، پڑھیاراں لئی اوہ دور توں ویکھنے اتے لوڑ پین تے حوالہ دین لئی سوکھے ہوندے نیں۔. جے ضرورت ایجاد دی ماں اے، تے وقت دی پابندیاں تخلیق کاری دی ماں دے۔ جیدوں پڑھیار ویکھدے نیں کہ اوہ دتا گیا ٹاسک وقت وچ مکمل کرن دے قابل نہیں، تے ایہہ اونہاں وچ مسئلے حل کرن دے نویں نقطہ نظر بارے سوچن لئی حوصلہ افزائی کر سکدا اے، تاں اوہ وقت تے کم پورا کر سکن، یا ایہہ اونہاں وچ دوجیاں توں مدد منگن دی مشق کرن دی حوصلہ افزائی کرے گا۔ جیداں کہ اوتے دسیا گیا اے، ٹائمر ورتن دا اک ہور مرکزی فائدہ وے کہ ایہہ پڑھیاراں وچ اشتراک اتے ہم آہنگی نوں فروغ دے سکدا اے۔ سوچو پڑھیاراں نوں گروہ بناون دا اتے سب توں اوچا ڈھانچہ بناون دا کہیا جاوے کہ اوہ دتا گیا مواد صرف 15 منٹاں وچ ورت سکدے نیں؛ پڑھیاراں نوں فوری طور تے احساس ہو جاوے گا کہ ایس ہدف نوں حاصل کرن دا سب توں ودھیا راہ ٹاسکس ذمے سونپنا اے تاں جے اوہ انفرادی طور توں ودھ رل کے حاصل کر لین۔ اک پڑھیار ڈھانچے نوں ڈیزائن کرن دی ذمہ واری لے سکدا اے، جد کہ دوجا مناسب مواد جمع کرن دی ذمہ واری لے سکدا اے، جد کہ دوجے رل کے سارے پُرزے جوڑن لئی کم کر سکدے نیں۔ ایہہ اعتماد، گل بات کرن دے ہُنر، اتے مشترکہ مقصد دے احساس نوں بناندا اے ــ سب ایس لئی کیوں جے پس منظر وچ ٹائمر پوٹھی گنتی گن رہیا اے۔ اخیر تے، کمرہ جماعت وچ باقاعدہ ٹائمر نوں لانا کماں نوں "کامل" کرن دی تھاں وقت دی منظم کاری دے ہُنر، ترجیح دینا، اتے کماں نوں کرن دی قدر دی حوصلہ افزائی کردا اے۔ ایہہ اوہ اہم قابلیت اے جیہڑی پڑھیاراں نوں کمرہ جماعت دے باہر وی مدد دوے گی۔

سب توں ودھیا مشقاں

کدی کدی پڑھاندیاں ہویاں سب تو اوکھا کم شروع کروانا ہوندا اے۔ جے تُسی جماعت دے شروع وچ دھیان بناون دی کوشش کردے او، تے درست طرز سیٹ کرن دا سب توں طاقتور راہ اے کہ جیدوں ای پڑھیار بوہے توں اندر آون تُسی کمرہ جماعت دے ٹائمر تے پوٹھی گنتی چلا دوو۔ ایہہ پڑھیاراں نوں اشارہ کردا اے کہ اوہ جیناں وی کھیڈنا چاہون، پر گھڑی تے 0:00 ہو جاون تے اونہاں توں سیکھن لئی تیار ہون دی امید کیتی جانندی اے۔ سرگرمیاں دی تبدیلی وچکار وی ایہوں نقطہ نظر اپنایا جا سکدا اے۔ کسے وی ایجنڈا نوں پورا کرنا ہور سوکھا ہو جاندا اے جیدوں ہر سرگرمی لئی دتا گیا وقت واضح طور تے ظاہر ہووے۔ ایہہ اک تال بنا دیندا اے، اتے بالاں نوں کم دے ویلے اتے ریسیس دے وچکار حداں دا ودھ احساس دیندا اے۔ پر، کمرہ جماعت وچ ٹائمر نوں ترتیب دینا نیرا نظم و ضبط بناون اتے کم کروان لئی ضروری نہیں اے ــ ایہہ مسابقتی مزے دا عنصر شامل کرن یا ساڈے ClassDojo Groupmaker، پڑھیاراں دے جوڑے بناون نوں سب توں سوکھا بناون لئی اک بے ترتیب گروہ بناون آلے نوں ورتن لئی اک اضافی ٹول دے طور تے وچ مددگار راہ اے۔ بہتے معلماں نے ویکھیا اے کہ ٹائمر پڑھیاراں دی حوصلہ افزائی کرن وچ مدد کردا اے جیدوں ایہنوں کم مکمل کرن تے انعامات نال جُڑے اک کھیڈ دے طور تے یا پٹھی گنتی دے اخیر وچ تیار ہون دے طور تے ویکھیا جاندا اے۔ مثال دے طور تے، پڑھیار وقت دی پابندی، تیار رہن، وجہ دین، اتے ٹاسکس نوں وقت تے مکمل کرن لئی پوائنٹس حاصل کر سکدے نیں۔ کمرہ جماعت دیاں بہتیاں سرگرمیاں لئی کمرہ جماعت دے ٹائمر نوں لاگو کرن دے ہور بتھیرے راہ نیں جیہڑے اوتے دتے فائدیاں (اتے ہور بہت) نوں ان لاک کر سکدے نیں! پر ایس سب نال، ایہہ لبھنا کہ ٹائمر تہاڈے لئی سب توں ودھیاں کیداں کم کردا اے، ایہدے تے وقت دینا پووے گا۔

حصہ داری کرو

Twitter تے شئیر کرو

Facebook تے شئیر کرو